自从去年参加完热门节目

《披荆斩棘》 之后，

唱得跳得仲好睇得 嘅

【资料图】

“童年男神” 林峯 在内地嘅人气

迎来咗一波小高潮。

趁住呢波热度，

峯少 嗱嗱啉密密接job，

陆续上 咗唔少

综艺节目同晚会show 。

早前，佢仲同佘诗曼

久违合体录综艺，

喺节目 《无限超越班》

收官典礼上挽手走红毡。

让观众一秒梦回

两人当年在TVB

出席活动嘅场景。

两人去 《我们的客栈》

做咗一期飞行嘉宾，

黑色皮衣上身，

重现《使徒行者》\"爆钉CP\"，

斋係路透片段就足以

让粉丝兴奋不已。

不过呢两期节目

暂时都仲未播出，

而 林峯 就已经马不停蹄咁

继续录下一套综艺 了。

近日，

峯少 正式官宣加盟

一档新嘅综艺节目

《追星星的人3》 。

呢套自驾露营追星慢综艺

此前两季热度都唔算太高 ，

新一季里面，

嘉宾再次“ 大换 血 ”，

“元老级”老嘉宾吴奇隆 ，

带住新加入嘅 林峯、

丁禹兮、 林允、赵小棠

一齐开启“星星之旅”。

well~

时常有 “新鲜峯少” 可以睇，

对好多粉丝嚟讲，

自然系好开心嘅~

but 频频上综艺 嘅 林峯 ，

也引起“事业粉”嘅吐槽

呻佢 忘记自己演员、歌手身份 ，

唔入（剧）组又唔出歌，

係咪 叠埋心水做“综艺咖” 啦？

不过讲开又讲，

有戏开自然就要入组嘅，

去年就有消息指，

林峯 将接拍 梁家树嘅新剧

《家族继承者》 。

而1月份嘅时候，

林峯 在受访时透露

“将在两月后出国拍电视剧\" 。

不过最近又有消息话，

新剧计划 推迟咗 。

未到时间拍新剧 ，

而之前拍落嘅多部电影

《寻秦记》 《阿麦从军》 等

存货又未有定档消息 ，

唯有抓紧时间

录多几个综艺节目

keep住自己啲热度啦~

好似峯少咁样频繁上综艺

係消耗紧演员积累的观众缘，

定係保持艺人热度嘅好方法咧？

欢迎留言同我哋分享吖~

MORE

今日娱乐看点

李治廷、刘耀文切磋音乐

近日，李治廷晒出

与 时代少年团-刘耀文 嘅合照 ，

并记录“音乐切磋时刻”，

唔知切磋完会唔会

嚟番个 合作计划咧？

郑恺王鹤棣新剧演师徒

由郑恺、陈钰琪、王鹤棣等

主演嘅网剧《今日宜加油》

定档2月21日开播，

最有意思嘅係，

郑恺、王鹤棣仲会

组成职场师徒line，

新颖设定引发一众网友期待！

孙怡新综又玩煮饭仔

孙怡继 《大使的厨房》后

又再次在综艺上秀厨艺，

今次孖孙越、大能、 管栎、

孙芮等人齐齐开餐厅

唔知会有乜新惊喜？

资料来源：综艺截图、微博、豆瓣

网络信息综合整理

编辑：陈祉伶

审核：曾敏妍

签发：骆苹

扫描下方二维码订阅 【微店】可乐生活小店 【淘宝】羊晚生活馆 【邮政】中国邮政微邮局 ▼

>>>

一次过get可乐 报详细内容

羊城晚报报业集团旗下优秀生活类媒体可乐生活Color ，度身打造专属广州人的吃喝玩乐指南，潮流风向标资讯。

官方微信号：靓仔可乐君（handsomecolor）